Мэдээ
НӨМРӨГИЙН ДАРХАН ЦААЗАТ ХАМГААЛАЛТЫН ЗАХИРГААНЫ БАЙГАЛЬ ХАМГААЛАГЧИД ТҮЙМРИЙН ГОЛОМТОД АЖИЛЛАЖ БАЙНА
Дорнод аймгийн Халх сумын Буйр нуурын урд Цайдам гэх газар тал хээрийн түймэр гарсан гэх дуудлагыг 2024 оны 04 дүгээр сарын 20-ны өглөөний 9 цаг 28 минутад хүлээн авч, түймэр унтраах ажлыг зохион байгууллаа.
Түймрийн голомтод Халхгол сумын Засаг даргын Тамгын газар, “ТАЛ” түймэр унтраах аврах 62 дугаар анги, Нөмрөгийн ДЦГ-ын хамгаалалтын захиргааны албан хаагчид ажиллаж байна.
ГАЛ ТҮЙМЭР ГАРАХ ШАЛТГААНЫ ИХЭНХ ХУВИЙГ ХҮНИЙ БУРУУТАЙ ҮЙЛ АЖИЛЛАГААНААС ҮҮДЭЛТЭЙ
Уг ажиллагаанд нийт 6 автомашин, 35 хүн үүрэг гүйцэтгэж, 14:55 минутын байдлаар түймэр унтраагүй, хүчтэй салхины улмаас түймэр ихсэж байна. Цаг агаарын мэдээгээр салхины хурд 14-16 м/сек хүрч ширүүсэж байгаа нь түймрийг унтраахад хүндрэлтэй байна.
Жич: Хамгаалалтын захиргааны дарга, 4 байгаль хамгаалагч, 1 жолооч, 2 автомашинтай түймрийн голомтод ажиллаж байна.
Нөмрөгийн дархан цаазат газрын хамгаалалтын захиргаа
